Tomorqadan daromad…

Boysunliklar-da qishloq xo‘jaligi mahsulotlari yetishtirishni, issiqxona biznesi sirlarini yaxshi o‘zlashtirishgan. Tuman ahli issiqxonalarda turli ertapishar poliz va sabzavot mahsulotlari, gulchilik sohasini rivojlantirib, oila budjetiga qo‘shimcha daromad olib kelmoqdalar.
Tumandagi “Tuzbozor” mahallasilik Faxriddin Ro‘ziyev hamda Tillo Mamatqulovlar xonadonida ham kichik bo‘lsa-da tomorqasidan samarali foydalanib, issiqxonasida gulchilik va turli xildagi manzarali ko‘chatlarni yetishtirib, daromad topib kelayotir. Ushbu insonlarning boy tajribasi mahalladoshlariga ham o‘rnak va namuna bo‘lgulikdir. Shu sababdan ham maslahat-u tavsiya so‘rab kelgan borki, Faxriddin aka va Tillo akalar yordamini sira ayashmay kelmoqdalar.