Tatariston Respublikasi delegatsiyasi “Bahor”da

Date:

Surxondaryo viloyatining savdo-iqtisodiy imkoniyatlari bilan yaqindan tanishish maqsadida viloyatimizda bo‘lib turgan Tatariston Respublikasi Raisi Rustam Minnixanov boshchiligidagi delegatsiya Angor tumanidagi “Bahor” mahallasida tomorqa xo‘jaligini boshqarish tajribasi bilan tanishdi. Ushbu mahallada viloyatimizda qishloq xo‘jaligi mahsulotlarini eksportga yo‘naltirish maqsadida tashkil etilgan 6 ta logistika markazlaridan biri joylashgan. Delegatsiya aynan ushbu markaz faoliyati bilan ham yaqinoq tanishdi.

Ta’kidlash joizki, Surxondaryo viloyati meva-sabzavot, poliz mahsulotlari yetishtirish uchun qulay iqlimga ega hudud. Issiqxonachilik ham rivojlanib, qishin-yozin turli oziq-ovqat ekinlari parvarishlash rivojlanib bormoqda. Bahorning ilk oylaridayoq ertagi sarxil sabzavotlar pishib, yetiladi.
Viloyatda 24 ming 255 gektar mevali bog‘, 10 ming 789 gektar tokzor mavjud. Mevali bog‘larning 15 ming 456 gektarini mahalliy va 8 ming 799 gektarini intensiv bog‘lar tashkil etadi.


Joriy yilda mavjud maydonlardan yanada oqilona foydalanib, sabzavot mahsulotlari parvarishlashni ko‘paytirish, ichki va tashqi bozorga quyosh nuriga to‘yingan tabiiy oziq-ovqat mahsulotlari yetkazib berish uchun bog‘ va tokzorlar qator oralariga ham urug‘ qadalib, mo‘l hosil yetishtirilmoqda. Jumladan, joriy yil hosili uchun bog‘ va tokzor oralaridagi 34,2 ming gektar maydonga to‘qsonbosti usulida qishloq xo‘jaligi ekinlari ekilgan edi. Bahorning ilk oylaridan 916,6 ming tonna piyoz, 39,2 ming tonna sarimsoq piyoz, 156,4 ming tonna sabzi, 29,6 ming tonna osh lavlagi, 268,2 ming tonna turli ko‘kat, 218,3 ming tonna karam, 16,4 ming tonna rediska yig‘ib olinadi.

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Boysunda piknik zonalar bor…

Bahor go‘zal fasl. Yon-atrofning ajib ko‘rinish kasb etishi kishini...

29 nafar ishsiz ishli bo‘ldi

Ishsizlarni “qayerda ish bor-u ishlasam bo‘lar ekan”, degan savol...

“O‘zimiz keldik”

Mualliflik huquqi haqida bilasizmi? Bunday huquqlarimiz qonunchilik yo‘li bilan...

Ekologik normalarga rioya qilinmasa…

Ekologiyani asrash borasida bong urayotgan bir paytda ba’zi ishbilarmon...
KunTun
KunTun