Tatariston Respublikasi Raisi Rustam Minnixanov Termiz tumanidagi “Termez National Carpets” mas’uliyati cheklangan jamiyati hamda “TERMIZ AGRO IMPEX” xorijiy korxonasi tomonidan tashkil etilgan qishloq
xo‘jaligi mahsulotlari yetishtirish, saqlash, saralash va eksportga yo‘naltiruvchi logistika markazi faoliyati bilan tanishdi.
Ma’lumot uchun, umumiy qiymati 236 milliard so‘m bo‘lgan “Termez National Carpets” korxonasi tomonidan yiliga 2,2 mioilln kvadrat metr gilam mahsulotlari ishlab chiqariladi. Mahsulotlarning 55 foizi ichki bozorga, 45 foizi qo‘shni davlatlarga eksport qilinmoqda.
Rossiyaning “LETO” korxonasi ta’sischiligidagi “TERMIZ AGRO IMPEX” xorijiy korxonasi tomonidan 10 gektar maydonda tashkil etilgan logistika markazining issiqxona va ochiq maydonlarida brokkoli, karam, ko‘kat, rozmarin, pomidor va bodring kabi qishloq xo‘jaligi mahsulotlari yetishtirilmoqda.
