Piyozvoylar xorijga yo‘l olmoqda

Date:

Ilgari qora mehnat qilib, halol rizq teradigan bobodehqonga qiyin edi. Mahsulotini endi bozorga olib chiqib sotaman degan vaqtida eksportga imkon berilmasdan, mahalliy bozorlar mahsulotlar bilan to‘lib toshgan vaqtlari, hattoki, tonnalab piyozlar xaridorini topolmay, beqadr mahsulotga aylangan vaqtlar ko‘p bo‘lgan. Biroq endilikda hukumatimiz tomonidan xalqaro hamkorlik yanada rivojlantirilib, qishloq xo‘jaligi mahsulotlarini ekportga yo‘naltirish borasida muhim qadam tashlandi.
Xabaringiz bor, bu yil aholi hamda tadbirkorlik subyektlari tomonidan yetishtirilayotgan qishloq xo‘jaligi mahsulotlarini xorijga eksport qilish maqsadida viloyatimizning 6 ta tumanida eksport logistika markazlari tashkil etilgan. Bu esa dehqonning yelkasiga ham shamol tegishidan dalolat.
Vohamizning o‘ziga xos iqlimi va tuproq sharoitlari hamda mirishkor dehqonlarimizning mehnati sabab viloyatda yetishtirilgan qishloq xo‘jaligi mahsulotlari yurtimiz bozorlariga birinchilardan bo‘lib yetkazib beriladi. Xususan, kuni-kecha yurtimizda birinchi bo‘lib, Qumqo‘rg‘on tumanida aholining asosiy oziq-ovqat mahsulotlaridan biri hisoblangan piyoz pishib yetildi.
Tumanning “Istiqlol” mahallasida “Bir mahalla – bir mahsulot” tamoyili asosida 120 gektar maydonga ekilgan piyoz mahsuloti ayni kunlarda yig‘ishtirib olinib, eksportga va mahalliy bozorlarimizga yo‘naltirilmoqda. Mahsulotni erta bahordan pishirgan dehqon ushbu maydondan 3 ming tonnaga yaqin hosil yig‘ishtirishni maqsad qilgan.
Yetishtirilgan piyoz aholining oziq-ovqat xavfsizligini ta’minlashga xissa qo‘shishi barobarida dehqonlarga daromad keltirmoqda.

A.Safarova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Boysunda piknik zonalar bor…

Bahor go‘zal fasl. Yon-atrofning ajib ko‘rinish kasb etishi kishini...

29 nafar ishsiz ishli bo‘ldi

Ishsizlarni “qayerda ish bor-u ishlasam bo‘lar ekan”, degan savol...

“O‘zimiz keldik”

Mualliflik huquqi haqida bilasizmi? Bunday huquqlarimiz qonunchilik yo‘li bilan...

Ekologik normalarga rioya qilinmasa…

Ekologiyani asrash borasida bong urayotgan bir paytda ba’zi ishbilarmon...
KunTun
KunTun