Angorda iftorlik marosimi

Muborak ro‘zai ramazon oyida ezgu amallar qilishga, yaqinlarimiz, do‘st-u birodarlarimizning ko‘nglini ko‘tarib, savobli ishlarga bosh qo‘shishga harakat qilamiz. Angor tumanidagi “Ofarin” tantanalar saroyida ana shunday saxovat tadbiri o‘tkazildi.
Iftorlik marosimida tuman hokimi Qosim Mardonov, diniy idora vakillari ishtirok etdi. Tadbirda tumandagi ehtiyojmandlar, nuroniylar hamda ijtimoiy muhofazaga muhtoj fuqarolar uchun ramazon oyi munosabati bilan dasturxon yozilib, Qur’on tilovat qilinib, yurtga tinchlik-хotirjamlik, dasturxonimizga to‘kin-sochinlik tilab duo qilindi.