Surxondaryo viloyati qishloq xo‘jaligi sohasi rivojlangan hudud hisoblanadi. Shunday ekan, dehqon va fermerlarning mo‘l hosil olishi, qo‘shimcha ish o‘rni yaratishi, mahalliy bozorga arzon va sifatli mahsulot yetkazib berish bilan birga eksport qilishi uchun ham munosib shart-sharoit yaratib berish lozim.
Shu sababdan ham Surxondaryo viloyati hokimi Ulug‘bek Qosimov Muzrabot tumaniga tashrif buyurib, “Indenim klaster” MChJning paxta tozalash zavodida agrar sektorni zamonaviy qishloq xo‘jaligi texnikalari
bilan ta’minlash borasida amalga oshirilayotgan ishlarni muhokama qildi. Bu borada mas’ullarning axborotlari tinglandi.
Mutasaddilarga kamchiliklar ko‘rsatib o‘tildi. Mavjud muammo va kamchiliklarni tizimli bartaraf etib, barcha fermer xo‘jaliklarining talabini puxta o‘rganib chiqqan holda zamonaviy texnikalar bilan ta’minlash choralari ko‘riladigan bo‘ldi.
