“Besh tashabbus olimpiadasi” iqtidorli, mahoratli yoshlarni kashf etishda davom etmoqda. Yuragida o‘ti bor, ammo nima ish qilishni bilmay yurgan yoshlarni ham qamrab olgan olimpiadadan ko‘zlangan maqsad ham shu aslida. Sherobod tumanida “Besh tashabbus olimpiadasi” doirasida sportning yengil atletika turi bo‘yicha musobaqalarning mahalla bosqichi qizg‘in ravishda o‘tkazildi.
Start chizig‘iga turgan yoshlar raqiblaridan o‘zib ketish uchun chog‘landilar. Har bir ishtirokchini yaqinlari, do‘stlari qo‘llab-quvvatlab turdi. Turgan gapki, qo‘llovlardan ruhlangan yoshlar finish chizig‘iga birinchilardan bo‘lib yetib keldi. O‘g‘il va qizlar 16-21, 22-26 va 27-30 yosh toifasida qatnashib, g‘olib bo‘lgan yoshlar sektor bosqichiga yo‘llanmani qo‘lga kiritadilar.
