“Kitob bilan bir kun”

Kitob bilan bir kun yuzlashgan inson, unga doimo oshno bo‘ladi. Mutolaani kanda qilmaydi. Yoshlar erishayotgan muvaffaqiyatlarning siri ham, kaliti ham ayni shu kitob sababdir. Termiz shahridagi 16-sonli ayrim fanlar chuqurlashtirilib o‘qitiladigan sinflari mavjud umumta’lim maktabining 8-sinf o‘quvchisi Nozanin Yo‘ldosheva ham ana shunday kitobxon yoshlardan. U “Kitob bilan bir kun” shiori ostida o‘tkazilgan respublika onlayn tanlovida faol ishtirok etib, nominatsiya g‘olibi bo‘ldi.
Nozanin kitobning foydasini yaxshi biladi. Shu sababdan ham sinfdosh-u do‘stlariga doimo o‘zi o‘qigan kitoblarni tavsiya qilib, birgalikda taassurotlarini o‘rtoqlashishni hush ko‘radi. Ana shunday suhbatlarda, qiziqarli muhokamalarda charxlangan qizning natijalari ham yuqori bo‘lishi tayin, albatta.