“Papenbur” bilan hamkorlikda…

Vohamizning mo‘may daromad topish istagida bo‘lgan yoshlari uchun xorijga chiqib ishlash imkoniyati borligi quvonarli hol, albatta. Buning uchun yoshlar ro‘yxatdan o‘tib, boradigan davlatning tilini o‘rganishi lozim. Bundan tashqari qator talablar, imtiyozlar va qulayliklar ham keltirib o‘tilgan. Germaniya davlatiga boruvchilar uchun ham shunday. Xo‘sh, Germaniyaning “Papenbur” kompaniyasi vakillari bilan hamkorlikda yoshlarni nemis tiliga o‘qitish ishlari qanday ketmoqda?
Aytish kerakki, bugungi kunda “Papenburg” kompaniyasida 80 nafarga yaqin o‘zbekistonlik yosh kasbiy (ausbildung) taʼlim olmoqda. Qolaversa, yozgi taʼtilda 10 nafar o‘zbekistonlik maktab o‘quvchilarini “Papenburg” kompaniyasiga tashrifi tashkil etiladi va nemis tilini o‘rganayotgan yoshlar uchun kasbga yo‘naltirilgan video darsliklarni tayyorlashda o‘zaro hamkorlik yo‘lga qo‘yiladi.
Yoshlar ishlari agentligi tomonidan nemis tili o‘quv kursi xarajatlari qoplab berilgan 10 nafar yosh ushbu kompaniyada kasbiy taʼlim olishmoqda.