Har bir o‘quvchi nazoratda

Ota-ona farzandi kun davomida nima bilan band, darsga boryaptimi, qo‘shimcha mashg‘ulotlarchi, bularning baridan voqif bo‘lib turishni istaydi. Bugungidek, texnikalar rivojlangan bir paytda bundan voqif bo‘lish mushkul ish emas. Ayniqsa, maktablarda kuzatuv kameralari, “turniket” tizimlarining joriy etilishi bolaning qayerda ekanini, nazorat qilishning eng qulay usuli bo‘lib xizmat qilmoqda.
Bugun barcha maktablarda ana shunday qulayliklar yaratilib kelinmoqda. Surxondaryo viloyati rahbari Termiz shahridagi 26-sonli maktabda videokuzatuv moslamalarining ish jarayonlari hamda “turniket” tizimini joriy etish ishlari bilan tanishdi.
Tizimga ko‘ra, o‘quvchi maktabga kirgach “turniket” tizimining yuzni tanib olish funksiyasi bilan jihozlangan kameralari yordamida uning maktabga kelganligi to‘g‘risida qaydlarni markaziy serverga uzatadi hamda shu orqali ota-onaga farzandi maktabga kelganligi to‘g‘risida sms-xabarnoma yuboriladi.
Shuningdek, maktabda “Ma’naviyat sektori” faoliyati ham o‘rganilib, iqtidorli o‘quvchilar bilan suhbat qilindi.