Surxon vohasi qazilma boyliklariga boy hudud. Undan oqilona foydalanib, ko‘plab loyihalarni amalga oshirish xalqimiz hayotini yaxshilashga, sifatli mahsulotlar ishlab chiqarib, ehtiyojini qondirishga xizmat qiladi. Tog‘-kon sanoatidagi ishlarni amalga oshirishda xalqaro kompaniyalarning qiziqishi oshib, ko‘plab foydali loyihalarni taklif etishayotir. Surxondaryo viloyati hokimi Ulug‘bek Qosimov ayni maqsadda Xitoyning tog‘-kon sanoati bilan shug‘ullanuvchi kompaniyalari vakillaridan iborat delegatsiyani qabul qildi.
Uchrashuvda vohamizda tog‘-kon sanoati, uran, qurilish materiallari, granit, oqmarmar, ko‘mir, kvarts va sement ishlab chiqarish bo‘yicha Xitoy kompaniyalari bilan hamkorlikdagi loyihalarni amalga oshirish imkoniyatlari muhokama qilindi va rejalar kelishib olindi.
Sherobod tumanida tabiiy boyliklardan unumli foydalanish va yer osti qazilmalarini ishlab chiqarish bo‘yicha kelishib olindi.
