Ekologiyaning, atrof-muhitning tozaligi inson salomatligi uchun muhim omildir. Daraxtlar nafaqat soya beruvchi, balki havodan korbonat angidrid ni yutib, o‘rniga kislorod ishlab chiqarib, inson salomatligi, tabiat go‘zalligi uchun hissa qo‘shadi. Mutaxassislarning takidlashicha, daraxtlarning hayotimiz uchun foydali xususiyatlari ham ko‘p.
Daraxtlar jonli mavjudotlarning xilma-xilligiga hissa qo‘shadi. Bir daraxt turining yo‘qolishi 30 turdagi hayvon turlarining yo‘qolib ketishiga sababchi bo‘ladi. Daraxtlarning ildizlari suvni filtrlab, sifatini yaxshilaydi. Daraxtlar issiq havoda haroratni bir me’yorda ushlab turadi. Qolaversa, daraxtlar shovqindan ham himoya qiladi.
Shu maqsadda mamlakatimizni ko‘kalamzorlashtirish va obodonlashtirish maqsadida respublikamizning barcha viloyat, tuman va shaharlarida manzarali, mevali daraxt ko‘chatlarini ekish ishlari davom etmoqda. Jumladan, Bandixon tumanida ham “Yashil makon” umummilliy loyihasi doirasida manzarali va mevali daraxt ko‘chatlarini ekish ishlari ham avj olgan.
Dinara Qo‘zimurotova
