Angorda “Inson” ijtimoiy xizmatlar markazi ochildi

Aholini ijtimoiy himoyaga muhtoj qatlamini himoya qilish, ularni munosib qo‘llab-quvvatlash, ularning yolg‘iz emasliklarini, doimiy e’tiborda ekanini his etishlari uchun ham hududlarda “Inson” ijtimoiy xizmatlar markazi faoliyati yo‘lga qo‘yilayotir. Ana shunday markazlardan biri Angor tumanida ham tashkil etildi va markazning yangi binosi foydalanishga topshirildi.
Tadbirda so‘zga chiqqan tuman hokimi Qosim Mardonov “Inson” ijtimoiy xizmatlar markazlari faoliyati yo‘lga qo‘yilishi inson manfaatlari ustuvorligiga qaratilayotgan yuksak e’tiborning yorqin namunasi ekanini ta’kidladi. Albatta, barcha shart-sharoitga ega markazda ish boshlagan ishchi-xodimlar o‘z ish faoliyatini boshlar ekan, risoladagidek ishlashadi. Xalqning dardini, muammolarini, ehtiyojlarini aniqlab, kerakli yordamni ko‘rsata oladi.