Yuragida o‘ti, ijodkorlik qobiliyati, ilm-fanga, sportga qiziqishi yurakda jo‘sh urib turadigan har bir qiz Zulfiyaxonim izdoshiga aylanishni istashi turgan gap. Qizlar yaxshi ma’noda o‘zaro musobaqaga kirishadigan, intiladigani ham Zulfiya nomidagi davlat mukofotini qo‘lga kiritish bo‘lsa kerak, nazarimda. Biroq aksariyat odamlar “Zulfiyachilarning “tankasi” bor, iste’dodi bo‘lmasa ham tanish-bilishi yoxud puli bo‘lsa bo‘ldi, ana shundaylardan chiqadi Zulfiyachi” deyishdan ham toymaydi va tortinmaydi ham.
Bir narsa aniqki aksariyat Zulfiyachilar bilan suhbatlashganimizda, ularning o‘z yo‘nalishi bo‘yicha olib borayotgan faoliyatlari bilan qiziqqanimizda, og‘ziga kuchi yetmaydiganlarning gapida jon yo‘q ekanligi oydinlashadi ham. Ilgari sport, san’at, jamoatchilik kabi yo‘nalishlarda taqdirlanishadigan bo‘lsa, endilikda axborot sohasid faoliyat yuritayotgan salohiyatli xotin-qizlarimizga ham bundayin imkoniyat berilmoqda.
Yangi tartibga ko‘ra, endi axborot texnologiyalari yo‘nalishida alohida yutuqlarga erishgan iqtidorli xotin-qizlar Zulfiya nomidagi davlat mukofoti bilan taqdirlanadi. Avval bu soha vakillari uchun mukofot berilishi haqida tanlov nizomida aytilmagandi.
Eslatib o‘tamiz, Zulfiya mukofoti sovrindorlari OTMlarga imtiyozli kirish huquqiga ega.
A.Safarova
