Past quvvat bilan ishlayotgan, biroq ozgina ko‘mak berilsa, qo‘llab-quvvatlansa, ishlab chiqarish ham tadbirkorlik faoliyati ham gurkirab ketadigan yirik korxonalar vohada talaygina. Savdo-sanoat palatasi tomonidan tuzilgan respublika Ishchi guruhi esa ana shunday past quvvat bilan ishlayotgan korxonalar faoliyatini o‘rganish asnosida tadbirkorlik subyektlari muammo va masalalariga quloq tutdi.
Eksportyor va importyorlarga ko‘mak berish maqsadida Qiziriq tumanida bo‘lgan Ishchi guruh hokim yordamchilari bilan ham uchrashuv o‘tkazdi. Ishbilarmon doira vakillariga faoliyatini jonlantirish borasida taklif va tavsiyalar berildi.
