Eski mavzuga qaytib…

Har qanday muammoni pul bilan, turli qing‘irliklar bilan hal etishga o‘rganib qolganlar afsuski topiladi. Taklif etilgan poraning bahridan o‘ta olmagan nafsini quliga aylanadi. G‘isht qolipdan ko‘chganda esa attang deyishdan foyda yo‘q. Siyqasi chiqqan mavzuga qayta va qayta qaytsak-da, korrupsiyaning tag-tomiri bilan qo‘porib tashlashimiz lozim. Aks holda jamiyat parokandalikka yuz tutadi.
Iqtisodiyot va moliya vazirligi huzuridagi budjetdan tashqari Pensiya jamgʻarmasi Surxondaryo viloyat boshqarma boshligʻi X.Normamatov rahbarligida Sariosiyo tuman boʻlimi xodimlari ishtirokida ayni mavzuga bag‘ishlangan yigʻilish oʻtkazildi. Yigʻilishda, “Inson qadri uchun” tamoyili asosida xalqimizning farovonligini yanada oshirish, inson huquqlari va manfaatlarini so‘zsiz ta’minlash hamda faol fuqarolik jamiyatini shakllantirishga qaratilgan islohotlar doirasida korrupsiyaga qarshi murosasiz kurashish muhitini shakllantirish maqsadida barcha mas’ul xodimlar ogohlik va hushyorlikka chaqirildi.