Maktablarda “Smart sinflar” tashkil etiladi

IT yosh va keng ommalashib borayotgan soha sanaladi. Yoshlarning ITga qiziqishi ham yuqori bo‘lib, bu sohani mukammal o‘rganishda samara beribgina qolmay, mo‘may daromad keltirishi bilan ham ahamiyatli. Shu jihatlarni inobatga olgan holda yoshlarni maktab ta’limidanoq IT sohasi bo‘yicha bilim va savodxonligini oshirib borish maqsadida Maktabgacha va maktab ta’limi vazirligida “Hancom academy” rahbariyati bilan “O‘zbekistondagi umumta’lim maktablarida axborot kommunikatsiya texnologiyalariga ixtisoslashtirilgan “Smart sinflar” tashkil etish” hamkorlik loyihasi amalga oshiriladigan bo‘ldi.
Loyihaga ko‘ra 2027-yilga qadar 1000 ta o‘quv kompyuter sinflari to‘plami bosqichma-bosqich tarzda vazirlikka taqdim etiladi. Va o‘quvchi-yoshlarning maktabdanoq IT sohasi bo‘yicha bilim va salohiyati oshirib boriladi.