Yaponiya universiteti vakili Surxondaryoda

Yaponiyada ta’limga alohida e’tibor qaratiladi va bu yoshlari taqdirida tub burilish yasay olgan. Ularning tajribasi yurtimizda ham ta’lim sohasida qo‘llanilsa, foydaladan holi bo‘lmasligi aniq. Buni yapon yoshlari misolida ko‘rish, kuzatish mumkin. Yurtimizning Yaponiya bilan barcha sohalarda yo‘lga qo‘ygan hamkorlik aloqalari amaliy sa’y-harakatlar uyg‘unligida davom etayotgan bir paytda Oliy taʼlim, fan va innovatsiyalar boshqarmasi boshlig‘i Sh.Kichkilov Takarazuka universiteti Xalqaro markazi direktori J.Nakamurani Surxondaryo viloyatida rasmiy tashrif bilan qabul qildi.
Uchrashuv davomida Junichi Nakamura OTMlar faoliyati hamda tarixiy qadamjolar bilan tanishib, yapon tili bo‘yicha kurslar tashkil etish va bitiruvchilarni Yaponiyada ishlashga taklif qilish borasida fikr almashdi. O‘zaro manfaatli hamkorlik aloqalari muhokama qilinib, talaba hamda o‘qituvchilar uchun 2+2 qo‘shma taʼlim va almashuv dasturlari, shuningdek, ilmiy tadqiqot ishlari borasida kelishuvlarga erishildi.