Hunardan rizq unar

Bugun xotin-qizlarning jamiyat hayotimizda o‘z o‘rni, o‘z mavqei bor. Ularning faolligi, tirishqoqligi nozik xilqat egalarining nimalarga qodir ekanini ko‘rsatib qo‘yayotgandek. Ayniqsa, yurtimizda hunar o‘rganib, tadbirkorlik faoliyatini boshlamoqchi bo‘lgan xotin-qizlarga keng imkoniyat va imtiyozlar yaratilayotgani ularni yanada ko‘proq mehnat qilishga undamoqda. Ozoda Pardayeva ham ana shunday imkoniyatlardan foydalanib, milliy hunarmandchilik bilan shug‘ullanib kelmoqda.
U “Qishloq qurilish” bankining Sho‘rchi tuman filiali tomonidan berilgan 8 million 400 ming so‘m hisobiga 5 ish o‘rni yaratib, barcha turdagi mahsulotlarni tayyorlab, mahalliy aholiga yetkazib bermoqda. Sumka, ko‘ylak, jelak bir-biridan ajoyib mahsulotlar zumda o‘z xaridorlarini topib, mo‘may daromad keltirmoqda.