“Balli, ayollar”

Ayol go‘zallik, nafosat, sabr-toqat timsoli hamdir. Ayniqsa, harbiy oila bekalari bu borada eng yaxshi brat namunasidir. Harbiy xizmatchilar qaysi go‘shada xizmatda bo‘lsa, ularning umr yo‘ldoshi ham zaxmatli xizmatlarida yelkadosh, sinovli kunlarida suyanchiq bo‘ladilar.
Janubi-G‘arbiy maxsus harbiy okrug tasarrufidagi Xayraobod va Kakaydi garnizonlarida joylashgan harbiy qismlarda “Men namunali harbiy oila bekasiman!” shiori ostida “Balli, ayollar!” ko‘rik-tanlovi bo‘lib o‘tdi. Unda harbiy qismlarda xizmat qilayotgan harbiy xizmatchilarning oilalari ishtirok etdi.
Ishtirokchi ayollar to‘rt yo‘nalishda bellashib, o‘zlarining nechog‘lik ziyrak ayol, oqila rafiqa, ziyoli ona ekanliklarini namoyon etdilar. “Men namunali harbiy oila bekasiman”, “Ignadan ip o‘tmasa”, “Bahru bayt” hamda “Biz To‘maris izdoshlarimiz” shartlarida mahoratlar, bilimlar, nechog‘lik oqila ekanliklari sinovdan o‘tdi. Va har bir chiqish hay’at a’zolari tomonidan baholab borildi.
G‘oliblar aniqlanib, ularga qimmatbaho sovg‘alar topshirildi