“Yangi hayot uchun, yangi O‘zbekiston uchun!”

Har bir islohot, har bir amalga oshirilayotgan ishlar negizida, albatta, xalq manfaati, orzu va umidlari mujassam. Bugun qayga boqmaylik ana shunday o‘zgarishlar, islohotlar samara berayotganiga guvoh bo‘lamiz. Bandixon tumanining “Farovon” mahallasida joylashgan Bandixon Agrotexnologiyalar texnikumida “Yangi hayot uchun, yangi O‘zbekiston uchun!” shiori ostida tashkil etilgan “Mahallada duv-duv gap” ma’naviy-ma’rifiy, musiqiy tadbirida ham ayni masalalarga e’tibor qaratildi.
Tadbirda yurtimizda va tumanda olib borilayotgan keng islohotlar haqida so‘z yuritilib, ma’naviy-ma’rifiy yuksalish borasidagi Yangi O‘zbekiston strategiyasida jamiyatning ruhini belgilab beruvchi eng muhim yo‘l sifatida bejiz tanlanmagani e’tirof etildi. Tashkil etilayotgan bunday tadbirlarning asosiy maqsadi ham xalqimizni ulug‘ maqsadlarimiz yo‘lidagi hamjihatligini yanada mustahkamlashdan iborotdir.
Yakunda esa viktorina savollari orqali yoshlarning jahon adabiyoti va badiiy asarlarni nechog‘lik bilishlari, ma’naviy olamlari sinovdan o‘tkazildi.