Xalqaro sertifikatga ega bo‘ldi

Har bir o‘qituvchi-pedagog o‘z ustida ishlab bilim va mahoratini oshirib boradi. Bu yosh avlod ta’lim-tarbiyasida, fanlarni o‘zlashtirishida muhimdir. Qolaversa, o‘tilajak dars jarayonlari qiziqarli, tushunarli bo‘ladi. O‘zlashtirish darajasi ham ana shu harakatga bog‘liq.
Matematika o‘qituvchisi Muhriddin Tilovov ham o‘z ustida ishlab, tinimsiz harakatdan to‘xtamaydi. O‘qituvchining o‘z oldiga maqsad qo‘yib, bu yo‘lda to‘xtash bilmasligi hamkasblari qatori, o‘quvchilarining-da havasu hayratini uyg‘otgan. Navbatdagi muvaffaqiyati esa ana shunday harakatlarning davomi bo‘ldi. Muhriddin Tilovov GMAT xalqaro sertifikatini qo‘lga kiritib, yuqori natija va 50 foiz ustama egasiga aylandi.