Jarrohlik amaliyoti o‘tkazildi

Hayot kutilmagan sinov va voqealarga to‘la. Shunchaki, uni sodir bo‘lishi va qanday kutib olishimizga bog‘liq. Uzunlik Muhabbat Muqimova ham kutilmaganda yiqilib tushdi-yu, oyog‘ini sindirib oldi. Ma’lum muddatda sog‘ayib ketsa-ku odamda umid chirog‘i lipillab turadi. Ammo, qayta yura olmaysiz, endi oyoqqa tik tura olmaysiz deyishsa, bu yaxshigina zarba bo‘lishi aniq. To‘g‘ri, opa yurib ketishi mumkin edi, faqatgina yuqori texnologiyali jarrohlik amaliyotidan so‘ng… buning uchun mablag‘, malakali mutaxassislarning xizmati darkor. Albatta, ushbu amaliyot tekinga bo‘lmasligi ham aniq. Ana shunday sharoitda Uzun tuman hokimligi va Surxondaryo viloyat sogʻlikni saqlash boshqarmasi opaning joniga ora kirishdi.
Ayni ularning ko‘magi bilan Muhabbat Muqimovaning chap oyogʻi son qismida yuqori texnologiyali jarrohlik amaliyoti oʻtkazilib, endoprotez qoʻyildi. O‘tgan yil opa hayotida ana shunday sinovli va kutilmagan sovg‘alarga boy bo‘ldi. Bir so‘z bilan aytganda, yangi yilda yangitdan tug‘ilganday bo‘ldi. Aytish kerakki, Muhabbat opaning hozirda ahvoli qoniqarli, oʻz uyida profilaktik va jismoniy davolanish kurslarini o‘tayabdi.