Vohadoshlarimiz yangi yilni yangi orzu va maqsadlarni qo‘ygan holda qarshi olishayotir. Ayniqsa, Termiz tumanidagi 57 nafar ijtimoiy daftarga kiritilgan fuqarolarga subsiddiya asosida to‘qqiz turdagi asbob-uskunalar topshirilgani esa ularning hayotiga yangi bosqichni boshlab berdi. Asbob-uskunalarni o‘z egalariga topshirish tadbirida tuman hokimi Shuxrat Nazarov, sektor rahbarlari va hokim yordamchilari ishtirok etdi.
Yangi yil bayrami arafasida bo‘lib o‘tgan ushbu tadbirda 13 nafar “Yoshlar” va 44 nafar “Ayollar” daftarida ro‘yxatda turgan fuqarolarning doimiy daromad manbaini yaratish, ularni band qilish maqsadida hokim yordamchilari tavsiyasiga asosan tikuv mashinalari, inkubator, motokultivator hamda payvandlash va boshqa turdagi asbob-uskunalari topshirildi.
