Sunnat to‘yi o‘tkazib berildi

Farzandlarimizga sunnat to‘yi qilib, ota-onalik va musulmonlik farzlarimizni ado etgan bo‘lamiz. Qumqo‘rg‘on tumani “Yangiyer” mahallasi markazidagi “Azamadbek” to‘yxonasida 10 nafar ehtiyojmand oila farzandlarining sunnat to‘ylarini o‘tkazib berilgani ota-onalarga katta yengillik tug‘dirdi.
To‘y tantanalarida bolajonlarning va yaqinlarining quvonchi, hayajoni cheksiz. Ular ana shunday savobli ishlarga bosh-qosh bo‘lgan mutasaddilardan minnatdor, saxovatpesha insonlarning borligidan mamnun. To‘yda so‘zga chiqqanlar inson manfaatlari amalda qadr topgan mamlakatimizda savobli va xayrli ishlar yanada ko‘payib borayotganini ta’kidlab, to‘y bolalarni Vatan koriga yaraydigan farzandlar bo‘lishlarini tilashdi.
Homiylar tomonidan to‘ybolalarning har biriga velosiped topshirilgani esa kutilmagan sovg‘a bo‘ldi.