“Osh sayli”da…

Har bir hududning o‘z osh pishirish uslubi, siri bor. Buni ularning oshini ta’tib ko‘rib amin bo‘lish mumkin. Albatta, bu uslub va sir taomning ta’miga ta’sir qiladi-da. Taomlar sultoni sanalmish osh milliy taomlar orasida eng mazali va eng yaxshisidir. Shu sababdan ham mehmon kelsa ham, yaxshi kunimizu bayramlarda ham osh pishirishga tushib ketamiz. Xo‘sh, yoshlarimizchi, osh pishirishda tajribasi qanday?
Boysun tumanida “Mustaqillik” mahallasi yoshlar yetakchisi hamda 2-son kasb-hunar maktabi tomonidan maktab o‘quvchilari va ishsiz yoshlar o‘rtasida o‘tkazilgan “Osh sayli” tanlovi orqali ayni savolga javob toppish mumkin bo‘ldi. Tanlov doirasida yoshlar milliy taomimiz osh pishirish bo‘yicha o‘zaro bellashdilar.
Shuningdek, tadbir bahona sportning “arqon tortish”, “yugurish”, “tugma qadash” va “tosh ko‘tarish” turlari bo‘yicha bo‘lib o‘tgan musobaqalar yanada qiziqarli bo‘ldi. Muhimi, yoshlar milliy o‘yinlarimizni yana bir bor eslash, uni unutilishiga yo‘l qo‘ymasliklari bilan birga vaqtlarini mazmunli o‘tkazdilar.