Munosib kutib olindi

Termiz iqtisodiyot va servis universiteti talabalari sportda ketma-ket muvaffaqiyatlar qozonib, o‘z iqtidor va mahoratlarini namoyish etishayotir. Oliygoh talabasi Ne’matullo Jumayev sportning taekvondo turi bo‘yicha Samarqand shahrida o‘tkazilgan O‘zbekiston kubogida +92 kilogramm vaznda faxrli 1-o‘rinni egallagan bo‘lsa, Zilola Ko‘chkinova ham bo‘sh kelmadi. U sportning ayni shu turi bo‘yicha Toshkent shahrida o‘tkazilgan Osiyo chempionatida 45 kilogramm vazn toifasida faxrli 2-o‘rinni qayd etdi.
Stol tennisi bo‘yicha “Besh tashabbus” olimpiadasining viloyat bosqichida esa Parviza To‘rayeva birinchi bo‘ldi. Sportchilar munosib kutib olindi va 10 million, 5 million so‘mlik pul mukofotlari hamda esdalik sovg‘alari bilan taqdirlandi.