Vazirlik bog‘i tashkil etildi

Yurtimizning barcha nuqtasida bo‘lgani kabi Surxondaryo viloyatida ham “Yashil makon” ummumilliy loyihasi bahona katta ishlar amalga oshirilmoqda. Mevali va manzarali daraxtlar ko‘chatlari ekilish bilan birga bir-biridan chiroyli va nafis gullarning ekilayotgani ko‘rgan ko‘zni quvnatadi. Nigohimiz tushgan joy borki, bu kunda bog‘u bo‘stonga, gulzorga aylangan. Shundan nafas olayotgan havomiz sof va musaffo.
Ana shunday ishlarning davomi sifatida esa Surxondaryo viloyati Ekologiya boshqarmasi tashabbusi bilan Termiz shahrining “Alpomish” mahallasi hududida vazirlik bog‘i barpo qilindi. Bog‘ uchun ajratilgan yer maydoni 3 gektarni tashkil etadi. Ushbu bog‘da ayni paytda ko‘chatlar ekish uchun xandaqlar qazildi. Yerlar yumshatilib, sug‘orish tizimlarini tortib kelish kabi ishlar olib borilayotir.
Vazirlik bog‘iga 1 300 tup manzarali va gullovchi butalar ekish rejalashtirilgan.