Xanchjoudan xushxabar

Aslida harakat va mehnat bilan uddalab bo‘lmas ishning o‘zi yo‘q. Imkonsizlikdan imkon topgan yoshlarning hayoti, faoliyati, muvaffaqiyati esa fikrimizga yorqin isbot bo‘la oladi. Shu kunlarda Xanchjouda bo‘lib o‘tayotgan Para Osiyo o‘yinlarida ishtirok etayotgan sportchi yigit-qizlarni kuzata turib esa ularning jasoratiga tahsin o‘qiysiz.
Ha, bu jasorat, qahramonlik. Ular uchun esa egallab bo‘lingan marradek gap. Ularning shu marraga yetib kelishlari oson kechmagani aniq. Mehnat-u mashaqqat, sinovlarda toblangan sportchilar erishayotgan yutuqlarni, g‘alabasini his etish esa yanada totli, zavqli…
Quvonarlisi, ushbu para dzyudo bellashuvlarida ayollar o‘rtasida J2 klassida -48 kilogramm vazn toifasida Jarqo‘rg‘on tuman sport maktabi a`zosi Lobar Hurramova ham yurtimiz sharafini himoya qilishga bel bog‘lagan. Raqiblariga peshvoz chiqib, o‘z mahoratini epchillik va chapdastlik bilan ko‘rsata oldi. Harakatlari o‘z kuchini ko‘rsatib, yakunda bronza medaliga sazovor bo‘ldi.
Lobar Hurramova delegatsiyamiz hisobiga navbatdagi medalni qo‘shib qo‘ydi.