Voha bo‘ylab sayohat!

Xotin-qizlar katta e’tibor va g‘amxo‘rlik ostida. Buni mamlakatimizda amalga oshirilayotgan islohotlardan ham bilsa bo‘ladi. Ayniqsa, ijtimoiy himoyaga muhtoj xotin-qizlarni qo‘llab-quvvatlash yo‘lida ulkan shart-sharoitlar yaratilayotir. Ana shunday e’tibor va g‘amxo‘rlikning yana bir ko‘rinishi sifatida “Ayollar daftari”ga kiritilgan xotin-qizlarni qo‘llab-quvvatlash maqsadida ichki turizmni rivojlantirish hamda qadimiy, ulug‘ ota-bobolarimizning muqaddas qadamjolarini ziyorat qilishlari uchun sayohatlar tashkil qilinmoqda.
Boysun tumanidagi “Ayollar daftari”ga kiritilgan 50 nafar xotin-qiz uchun vohamiz bo‘ylab sayohat tashkil qilindi. Sayohat davomida ular viloyatimizning noyob tarixiy obidalari, muqaddas qadamjolari bilan tanishdilar. Olam-olam taassurotlar olib, janubiy vohaning yangi qirralarini kashf etdilar.