Hammaning ham moliyaviy savodxonligi bo‘lishi kerak. Aks holda jamiyat hayotida inson o‘z taqdiri uchun oddiy qarorlarni ham hal eta olmaydi. Ayni maqsadlarni inobatga olgan holda Oltinsoy tumanida turli jabhalarda mehnat qilayotgan ayollar uchun “Moliyaviy savodxonlik kundalik hayotimizda” mavzusida amaliy seminar tashkil etildi.
Seminar davomida moliyaviy savodxonlikni oshirish bo‘yicha ma’ruzalar qilindi. Qizg‘in savol-javoblar tarzida o‘tgan tadbir mazmunli o‘tdi. Banklardagi kredit siyosati, madaniyati haqida keng ma’lumotlar berilib, jamg‘arma tushunchasi zamonaviy hayotda qanday o‘rin tutishi keng yoritildi.
