Boysun tumanida…

Qoraqalpog‘iston ham yurtimizning bir bo‘lagi, bir xalq, bir tan-u jon sifatida yashab kelayapmiz. Qoraqalpoqlarning-da san’atini e’tirof etgulik, o‘rgangulik jihatlari bisyor. Shu maqsadda O‘zbekiston Respublikasi O‘zbek milliy maqom san’ati markazi Qoraqalpog‘iston Respublikasi hududiy bo‘limi Qoraqalpog‘iston madaniyat va san’at kunlari shiori ostida Qashqadaryo, Surxondaryo viloyatida bo‘lishdi. Janubiy vohaning Boysun tumanida boshlangan konsert dasturi esa yosh-u keksani bi yerda jam eta oldi.
Konsert dasturida ta’lim-fan, madaniyat-ma’rifat xodimlari, nuroniylar, mahalla faollari va yoshlar ishtirok etishdi. Kelganlar darmonda, kelmaganlar armonda qolgan konsert dasturi qiziqarli va esda qolarli bo‘ldi. Qoraqalpoqlarning san’atini, iqtidorini ko‘rsatib berguvchi chiqishlar, xonishlar barchaga manzur bo‘ldi.