“Mahorat darsi” o‘tildi

Cholg‘u asbobini chertgan bilan san’at dunyoga kelmaydi. Buning uchun o‘qib o‘rganish, nazariy bilimlarni egallash lozim. Ana shundagina notalar sizga ajib sirini ochadi va ohang yaraladi. Termiz davlat universiteti Milliy libos va sanʼat fakulteti talabalari ham shu tariqa san’atga oshno bo‘lishdi, bilim va tajribasini oshirishdi. Oliygohga O‘zbekiston davlat filarmoniyasi “Sug‘diyona” davlat xalq cholg‘ulari kamera orkestrining ijodiy jamoasi tashrifi esa talaba-yoshlarning mahoratlarini oshirishga xizmat qildi.
O‘zbekiston Respublikasi san’at arbobi, O‘zbekistonda xizmat ko‘rsatgan artist professor Firuza Abduraximova boshchiligida hamda O‘zbekiston davlat konservatoriyasi “Xalq cholg‘ularida ijrochilik” kafedrasi professor-o‘qituvchilari tomonidan “Musiqa ta’limi” kafedrasining iqtidorli talabalariga “Mahorat darsi” o‘tib berildi. Barcha katta qiziqish bildirgan mahorat darsi qiziqarli va yangi bilimlarni, usul va uslublarni o‘zlashtirishga xizmat qildi.