Birovga yomonlik qilgan inson hech bir vaqt unutmasinki, yomonlik ham, yaxshilik ham bir kuni qaytgusi. Termiz davlat universitetida Muqimiy nomidagi Oʻzbekiston davlat musiqali teatri aktyorlari tomonidan “Qaytar dunyo” spektakli orqali talabalar ana shunday haqiqat bilan yana bir bor yuzlashdilar.
Aytish kerakki, spektakl muallifi X.Xursandov hamda rejissyor B.Nazarovlar tomonidan mahorat bilan sahnalashtirilgan. Iqtitorli aktyorlar tomonidan namoyish etilgan mazkur spektakl talabalarning vaqtini mazmunli oʻtkazish, maʼnaviy olamini yanada boyitishga xizmat qildi.
Ayniqsa, pyesada inson qadri, farzandlar tarbiyasi, oqibat haqida hikoya qilinishi universitet professor-oʻqituvchilari va talaba-yoshlarda katta qiziqish uygʻotdi.
