Ustoz haqida gap ketsa, birinchi bor qo‘limizdan tutib, yozishni o‘rgatib, harf tanitgan muhtaram zot yodimizga tushadi. Ha, bizni komillik sari yetaklovchi ustozlarimizning biz shogirdlariga zahmatli mehnati singgan. 1-oktyabr kuni “Ustoz va murabbiylar” kuni sifatida esa yurtimizda ustoz va murabbiylar ulug‘lanadi. Sana munosabati bilan Bandixon tumanidagi “Shukrona” tantanalar saroyida o‘qituvchilar va faxriy ustozlar sharaflandi.
Tadbirda Bandixon tumani hokimi A.Allamuradov ishtirok etib, o‘qituvchilarga bayram tabrigini yo‘lladi. Shundan so‘ng, tumanda mehnat qilayotgan faxriy ustozlar, o‘qituvchilar tuman hokimligi tomonidan diplom va esdalik sovg‘alar bilan hamda 2023-yilda o‘qishga kirishda reytinggi yuqori bo‘lgan maktab direktorlariga 4 million so‘mlik vaucherlar taqdirlandi.
Tadbir davomida tuman madaniyat bo‘limi estrada xonandalari kuy va qo‘shiqlar ijro etishib, xushkayfiyat ulashishdi.
