Termiz tumanidagi 13-sonli Bolalar musiqa va san’at maktabi faollar zalida Jinoyat ishlari bo‘yicha Termiz tuman sudi va tuman Ichki ishlar bo‘limi probatsiya guruhi nazorati ostida jazo muddatini o‘tayotgan shaxslar va muqaddam sudlanganlar ishtirokida sayyor sud majlisi bo‘lib o‘tdi.
Sayyor sud jarayonida tumandagi probatsiya ro‘yxatida bo‘lgan jazo muddatini o‘tayotgan, yaxshi xulqli, tuzalish yo‘liga kirgan va chin dildan pushaymon bo‘lgan fuqarolarning 9 nafari muddatidan ilgari shartli ravishda ozod etildi. Shuningdek, sayyor sud davomida mamlakatimizda sud-huquq tizimida olib borilayotgan islohotlar, hamda fuqarolarni ijtimoiy qo‘llab-quvvatlash borasidagi ishlarga to‘xtalib o‘tildi.
