Xorazmdan muvaffaqiyat bilan…

Sport insonni chiniqtirishi, mashhurlik pillapoyasiga ko‘tarishi bilan birga yuqori kayfiyat, zavq-shavq ham beradi. Ayniqsa, qiziqqan sport turingizda maydonga tushsangiz bormi, qo‘lingiz baland kelib, ustunlik siz tarafda bo‘lsa, ishtiyoqingiz, o‘zingizga bo‘lgan ishonchingiz ortadi. Bu esa shubhasiz, muvaffaqiyat sari eltadi. Xorazm viloyatida gandbol sport turi bo‘yicha U-20 yoshlar va qizlar o‘rtasida o‘tkazilgan O‘zbekiston kubogi musobaqasi ham kim uchundir quvonchli, kimlar uchundir saboq bo‘ldi.
Musobaqa qizg‘in va murosasiz o‘tdi. Raqiblarning harakatlari, mahorat bilan o‘yinda ishtirok etishlari tomoshabinlar e’tiborini tortmay qo‘ymadi. Quvonarlisi, musobaqada Surxondaryo viloyati o‘smirlar terma jamoasi 1-o‘rinni egalladi.