Qish g‘amini yozda ye deya bejizga aytishmagan. Shu sababdan ham Sho‘rchi tumanida ayni yoz oylarida qish tashvishini o‘ylagan holda, elektr ta’minotidagi uzilishlarning oldini olish maqsadida e’tiborga molik ishlar amalga oshirilmoqda. “Laylakxona” mahallasida joylashgan 822 ta transformatorga jami 43 dona tayanch ustunlari o‘rnatish reja qilingan. Hozirgi kunda esa bu boradagi ishlar qizg‘in tus olgan bo‘lib, ushbu manzilga 17 dona tayanch ustunlari olib kelinib, o‘rnatildi.
Shuningdek, “Shakarko‘l” mahallasida ham mahalla ahlining tinch va farovon hayot kechirishi uchun sa’y-harakatlar boshlab yuborilgan. Elektr energiyasi taminoti bilan bir me’yorda ta’minlab berish esa ana shu sa’y-harakatlarning eng muhimi deyish mumkin. Shu maqsadda mahalla hududiga o‘rtanilgan tayanch ustunlari uchun 400 metr yopiq kabellar tortish ishlari amalga oshirilmoqda.
Sohibjamol
