18 yoshga to‘lmaganlarning ishlashi mumkin emas… mi?

Ba’zida yoshlar o‘zlari istagan holda maktabdan tashqari ishlashga kirishsa, ba’zilar esa oilaviy sharoit sabab majbur bo‘ladi. Hech qanday ma’lumot va malakaga ega bo‘lmagan yoshlar, ya’ni 18 yoshga to‘lmaganlar qo‘lidan keladigan duch kelgan ish bilan band bo‘lib ketaveradi.
Shu o‘rinda aytish kerakki, hukumat qarori bilan (290-son, 14.07.2023y.) o‘n sakkiz yoshga to‘lmagan shaxslarning mehnatidan foydalanilishi taqiqlangan ishlarning ro‘yxati tasdiqlandi. Bunda asosiy e’tibor bu ishlarning og‘irlik darajasi, zararli va xavfli mehnat sharoitlari inobatga olingan.
Ro‘yxatga ko‘ra, yer osti kon ishlarida, issiqlik tarmog‘idagi uskunalarni ta’mirlash bo‘yicha chilangar, gaz taqsimlash stansiyasi operatori, tibbiy preparatlarni dozalovchi, yuqori chastotali tok qurilmalarida payvandchi, gipsni qizdiruvchi, asfaltbetonchi, novvoy kabi bir qator ishlarda voyaga yetmagan shaxslarning mehnatidan foydalanish taqiqlanadi.