Yurtimizda tibbiyot sohasi tobora rivojlanib, aholi salomatligi uchun qilingan harakatlar bugun joylarda bo‘y ko‘rsatmoqda. Bunda, albatta, qandaydir tibbiy ko‘rik yoki kasallik uchun aniq tashxis qo‘yilishi uchun viloyat markazi yoki poytaxtga borish shart emas. Chekka-chekka qishloqlar va ovullarda ham zaruriy tibbiy shart-sharoitlari, tibbiy asbob-uskunalari mavjud shifoxona va klinikalar faoliyati yo‘lga qo‘yilgan va qo‘yilayotir.
Ana shunday sa’y-harakatlar Qiziriq tumanida ham bo‘y ko‘rsatayotir. Tumanning “Rabotak” mahallasidagi tuman tibbiyot birlashmasiga qarashli yuqumli kasalliklar shifoxonasida qurilish va ta’mirlash ishlari jadallik bilan kechmoqda. Ayni paytda ta’mirlash ishlari amalga oshirayotgan bo‘lib, quruvchi-ustalar o‘z ishlarinini tez va sifatli qilib bajarishayotir. Bunday bunyodkorlik ishlari qisqa fursatlarda yakunlanib, tez kunlarda shifoxona o‘z faoliyatini boshlashi tuman aholisining sog‘ligini himoya qilishga xizmat qiladi.
S.Davlatova
