Qimmatga tushdi

Date:

Ba’zan qora terga botib mehnat qilishni istamasdan oson yo‘llar bilan pul topish yo‘liga o‘tib oladiganlar ham bo‘ladi. Afsuski, oson va qing’ir yo‘llar bilan topilgani buyurmasligini har doim ham anglab yetavermaymiz. Aks holda fermer xo‘jaligi rahbari O‘.T fuqaro A.N vositachiligida fermer xo‘jaligi yer maydonida o‘sib turgan, ko‘p yillik 8 tup eldor qarag‘ay daraxtini fuqaro A.S.ga 5 million so‘mga baholab, sotayotganida qo‘lga tushmasdi.
Afsuski, Ekologiya va atrof-muhitni muhofaza qilish va iqlim o‘zgarishi vazirligi Surxondaryo viloyati boshqarmasi davlat inspektorlari biroz kech qolishdi. Ushbu o‘suvchanligini yo‘qotmagan, ko‘p yillik noyob turga kiruvchi daraxtlarning bandiga allaqachon bolta urib bo‘lingan edi.
Tabiat qotillari bu harakati bilan “O‘simlik dunyosini muhofaza qilish va undan foydalanish to‘g‘risida”gi qonunning 37-moddasi talabini buzdi. Besh million so‘mlik bo‘lmoqchi bo‘lganlar esa tabiatga 551 million so‘m miqdorida zarar yetkazishdi va shuncha miqdordagi jarimani to‘laydigan bo‘ldi.
Bir daraxtni o‘stirib, gurkirab yashnashi uchun yillar kerak bo‘ladi. Ushbu yashillikning ekologiyaga-yu insoniyatga ta’siri haqida esa bugun yosh bola ham biladi. Ammo, shunday bo‘lishiga qaramay, nafsining quliga aylangan kimsalar ularni nobud qilavermoqda. Ko‘ramiz, kuzatamiz, belgilangan jarima summasini to‘laydiganlar qaytib qo‘llariga bolta olarmikan. Bu esa ana shunday niyatdagi kimsalarga ham saboq bo‘lsa, ajab emas.
Ha aytgancha, ekologik huquqbuzarliklarning oldini olish maqsadida hududlarda ekologik tekshiruvlar, reyd tadbirlari o‘tkazilmoqda. Ehtiyot bo‘ling, tabiatga xiyonat kechirilmaydi.

S.Murodova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Yo‘llar ta’mirlanmoqda…

Yo‘l xavfsizligi inson umrining garovidir deb bejiz aytmagan. Mahallada...

“Inklyuziv ta’lim” loyihasining istiqbollari muhokama qilindi

2023-yil oktyabr oyidan Maktabgacha ta’lim agentligi bilan hamkorlikda YUNISEF...

Huquqiy masalalar o‘rganildi

Har bir oilaning o‘z tashvishi va muammosi bo‘ladi. Bu...

65 nafar xotin-qiz tikuv mashinali bo‘ldi

Subsidiya asosida fuqarolar nafaqat yangi uy, balki yangidan yangi...
KunTun
KunTun