Yoshi ulg‘ayib qolgan jang sanʼati ustasi qaytib maydonga tushmaslikka qaror qildi. Biroq bir kuni uni yosh va manman bir polvon olishuvga chorladi. Usta bunga eʼtibor qaratmadi, jim o‘tiraverdi. Yosh jangchi endi uni masxaralashga, ajdodlarini haqoratlashga tushdi. Аmmo, bu ham ko‘zlangan natijani bermadi.
Oxir-oqibat yosh polvonning hafsalasi pir bo‘ldi, qo‘lini yuvib qo‘ltig‘iga urdi-da, ketdi.
Qariya ustaning shogirdlari uning xatti-harakatidan hayron qoldi, ayrimlari esa taʼna qila boshladi:
– Nahot sizga o‘zingizning yoki ajdodlaringizning shaʼni qadrli bo‘lmasa?!
Ustoz bu savolga savol bilan javob berdi:
– Аgar sizga biror narsa sovg‘a qilishsa, lekin uni olmasangiz, hadya kimda qoladi?
– Egasining o‘zida qoladi-da! – deyishdi ular.
– Hasad, g‘azab va nafrat ham xuddi shunday. Аgar biz uni qabul qilmasak, u egasida qoladi.
Orif Tolib
