Dunyo tamadduni beshigi sanalmish Boysun tumani sir-u sinoatga to‘la. Tarixchi va arxelog olimlarning oldiga turgan eng katta maqsadlardan biri esa hududni o‘rganish, tadqiq etishdir. Ana shundagina siz-u bizga ayon bo‘lmagan sinoatlari oshkor bo‘lishi aniq. Axir tumandagi Teshiktosh g‘ori – muste madaniyatiga mansub neandertal odam makoni ekanligi dunyoning yetuk olimlari tomonidan tadqiq qilingani haqiqat-ku.
Ana shunday qadimiy go‘shaning “Rabot” arxeologik yodgorligi hududida Shimoliy g‘arbiy universitetning Buyuk ipak yo‘li tadqiqot markazi (Xitoy) professori Liang Yung boshchiligidagi ekspeditsiya aʼzolari hamda Samarqand arxeologiya instituti va Farg‘ona davlat universiteti talabalari ishtirokida olib borilgan arxeologik tadqiqot ishlari olib borildi. Natijada ikki ming yillik tarixga ega “yueji” davriga mansub erkak va ayol suyak qoldiqlari, turli sopol buyumlar, metal va tosh taqinchoqlar, temir pichoqlar topildi.
Aytish kerakki, ushbu topilmalar insoniyat tarixini o‘rganishda muhim ahamiyat kasb etadi va tarixning ochilmagan sirlarini ochishga xizmat qiladi. Ayni paytda tadqiqot ishlari davom etmoqda.
Hilol
