Surxondaryo viloyatining drayveri — qishloq xo‘jaligi mahsulotlari yetishtirish, g‘allachilik va paxtachilik hisoblanadi. Shunday ekan tizimda mahsuldorlikka erishish maqsadida soha mutaxassislaridan tinimsiz mehnat qilmoqlik, izlanishlar olib borib, yangidan-yangi texnologiyalarni jalb etmoqlik talab etiladi.
Albatta, g‘alla va g‘o‘zani parvarishlash jarayonida xato va kamchiliklarga yo‘l qo‘ymaslik lozim. Birgina e’tiborsizlik, vaqtida qilinmagan qarov butun bir mehnatni, hosilni yo‘qqa chiqarishi aniq.
Sariosiyo tuman hokimligi katta majlislar zalida tuman hokimi Abduqodir Donayev, sektor rahbarlari, tuman hokimi o‘rinbosari N.Karimov hamda qishloq xo‘jaligiga mas’ul rahbar va tumandagi fermer xo‘jaligi rahbarlari ishtirokida yig‘ilish bo‘lib o‘tdi.
Yig‘ilishda tumandagi fermer xo‘jaliklariga va tomorqa yer egalariga ajratilgan maydonlardan samarali foydalanish, g‘alla va paxta maydonlarini sug‘orish, o‘g‘itlash, suv tejovchi texnologiyalarni joriy qilgan holda hosil unumdorligini oshirish, g‘alla va g‘o‘za parvarishi doirasida agrotexnik tadbirlarni o‘z vaqtida bajarish, dala atrofini tozalash, fermer xo‘jaligi rahbarlariga reja asosida ishlarni tizimli tashkil etish bo‘yicha ko‘rsatmalar berildi.
Hilol
