Yaqindagacha “Tashabbusli byudjet” doirasida ovoz yig‘ish jarayonlari qizg‘in tus olgan edi. O‘zi faoliyat yuritadigan tashkilot va o‘quv muassasasini ta’mirlash yoki jihozlash, xullas yetarli shart-sharoitni yaratish istagida bo‘lgan jonkuyar xalqimiz vakillari kerak bo‘lsa, ko‘chama-ko‘cha yurib, targ‘ibot-tashviqot ishlarini olib bordilar, ovoz to‘plab, g‘oliblik sari intildilar. Bunga javoban esa maqsadlariga erishgan bo‘lsalar, ajab emas.
Ushbu loyihaning yanada kengroq miqyosda ish olib borilishi esa har bir sohani moliyalashtirishga, munosib shart-sharit yaratishga xizmat qiladi. Ya’ni “Obod qishloq” va “Obod mahalla” dasturlari endilikda tashabbusli byudjetlashtirilishi ham yaxshi yangilik deyish mumkin. Bu borada “Obod qishloq” va “Obod mahalla” dasturlari doirasida moliyalashtiriladigan tadbirlar yuzasidan Sariosiyo tuman hokimligi majlislar zalida bo‘lib o‘tgan seminar batafsil ma’lumot berildi.
Seminarda 2023-yildan boshlab “Obod qishloq” va “Obod mahalla” dasturlari jamoatchilik fikri asosida “Ochiq byudjet” portalida ovoz berish yoʻli bilan aniqlanishi, bunda har bir mahallada 8 milliard soʻmdan oshmagan loyihalar paketi shakllantiriladi. Ovoz berish va gʻolib boʻlish jarayonlari, har yil yakunlari boʻyicha jamoatchilik fikri asosida loyihalarni shakllantirish bilan bogʻliq jarayonlarda faol ishtirok etgan fuqarolar ragʻbatlantiriladi.
