Bir quti ipak qurtidan 90 kilogramm hosil

Date:

Ipak matolar haqida gap ketishi bilan, mehnatkash pilla qurti xayolga keladi. Mitti jonivorlar o‘z hayotini garovga qo‘yib to‘qiyotgan g‘umbakdan esa ipak matosi olinadi. To‘g‘ri, bungacha bo‘lib o‘tadigan bosqichlar haqida uzundan-uzoq to‘xtalish mumkin. Ammo, nima bo‘lganda ham hozirgi ayni pilla mavsumida pillakorlarimiz katta shijoat va g‘ayrat bilan ipak qurtidan kam mehnat qilishmadi.

Hozirgi kunda ipak qurtidan yilda to‘rt marotabagacha hosil olish mumkinligi sohaning yutug‘i deyish mumkin. Qolaversa, pillani qayta ishlash korxonalarida ham zamonaviy texnologiyalar joriy etilganki, bu xomashyoning to‘liq qayta ishlanishiga xizmat qilmoqda. Asosiysi, qayta ishlangan pillaning oxirgi chiqindisidan ham oqilona foydalanish yo‘llari tayin. Ya’ni ana shunday chiqindidan parranda va baliqchilikda ozuqa sifatida foydalanilayotir.


Surxondaryo viloyat hokimi Ulug‘bek Qosimov Ipakchilik va jun sanoatini rivojlantirish qo‘mitasi raisi Baxrom Sharipov bilan Angor tumanida faoliyat yuritayotgan “Huashen Silkworm Pro” MCHJ xorijiy qo‘shma korxonasi faoliyati bilan tanishishdi.


Korxonada yuqoridagi kabi zamonavy texnologiyalarni ishlashi, ipak qurti urug‘ini tayyorlash jarayonlari ko‘zdan kechirildi. Shundan so‘ng, MChJning pilla qabul qilish maskanida viloyat pillakorlari bilan uchrashuv tashkil etildi. Uchrashuv bahonasida vohamiz pillakorlarining fidokorona mehnatlari e’tirof etildi. Bir quti ipak qurtidan 90 kilogramm pilla hosili olingan pillakor mehnati rag‘bat topdi. Qolaversa, ilg‘or pillakorlarga ham sovg‘alar topshirildi. Ishlar rivojini tilagan holda urf-odat va udumlarimizga ko‘ra tadbir yakunida jonliq so‘yilib, ehson qilindi. Qurʼon tilovat qilinib, qo‘llar duoga ochildi.

Hilol

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Onlayn qabulda 837 nafar fuqaroning murojaati tinglandi

Xalq qabullari odamlarni qiynab kelayotgan muammolarini bartaraf etishga, orzu...

Emlash — eng yaxshi chora

Internet tarmog‘i borki, bugun dunyoning qaysi burchagida nima sodir...

Cord Versmold Afg‘oniston fuqarolarini o‘qitish ta’lim markazida

Germaniyaning “GIZ” Xalqaro tashkiloti “Afg‘oniston fuqarolarini Tеrmiz shahriga jalb...

Investitsiya loyihalari bilan tanishildi

Ish o‘rinlari yaratilishida xizmatlar sohasi muhim tarmoq hisoblanadi. Ushbu...
KunTun
KunTun