Sport sohasidagi yutuqlarimizdan faxrga to‘lamiz. Ammo, shuni ham aytish va tan olish kerakki, imkoniyatlar to‘la ishga solinsa va yoshlar to‘g‘ri yo‘naltira olinsa, bundan-da yuqori marralarni zabt etish aniq. yutuqlar va muvaffaqiyatlar ham intilish va harakatga qarab erishilishi ayni haqiqat. Ayni shu maqsadda Termiz olimpiya zaxiralari kolleji va O‘zbekiston Dzyudo federatsiyasi o‘rtasida Dzyudo sport turini nufuzini ko‘tarish, jahon arenalarida yosh sportchilarimizning yuqori natijalarga erishishini ta’minlash va o‘zaro hamkorlik aloqalarini yanada rivojlantirish maqsadida hamkorlik memorandumi imzolandi.
Qolaversa, Dzyudo federatsiyasi vakillari tomonidan Dzyudo sport turi bo‘yicha kiritilgan yangi qonun qoidalar to‘g‘risida tashkil etilgan seminar hech kimni e’tiborsiz qoldirmadi. Olimpiyada ishtirokchilari Sh.Lutfullayev va X.To‘rayevlar tomonidan namoyish etilgan ajoyib master klasslar esa sportchi yoshlarni yanada ruhlantirdi va o‘zlariga nisbatan ishonchini oshirdi desak aslo mubolag‘a bo‘lmaydi.
S.Murodova
