Oltinsoy tumanidagi Qorliq qishlog‘ida shu paytga qadar bolalar bog‘chasi yo‘q edi. Tashabbuskor Feruza Zamonovaning yangi uy-bog‘cha tashkil etgani ayni muddao bo‘ldi. 50 o‘rinli nodavlat maktabgacha ta’lim tashkilotida 4 nafar ishsiz ish bilan ta’minlandi. Kelgusidagi qamrov 100 nafarga yetkaziladi. Buning uchun qo‘shni binoda pardozlash ishlari olib borilayotir.
Uy bog‘chada bolalarning munosib tarbiya topishlari uchun barcha shart-sharoitlar yaratilgan. O‘yinchoqlar, mashg‘ulotlar uchun kerak bo‘ladigan buyumlar-u kerakli jihozlar xizmatga shay.
S.Murodova
