“O‘zsuvta’minot” AJ “O‘zbektelekom” AK bilan birgalikda jismoniy shaxs-abonentlarga 2021 yilning sentabr oyida joriy etilgan UzWater billing tizimi doirasida “Shaxsiy kabinet” xizmatini taklif qilmoqda.
Shaxsiy kabinetdan foydalanish uchun:
1) https://cabinet.uzsuv.uz saytiga o‘z shaxsiy hisob raqamingizni kiritasiz;
2) Tizimga biriktirilgan mobil telefon raqamiga kelgan kodni kiritasiz (birinchi marta kirish uchun) va Siz shaxsiy kabinetdasiz.
Abonentlarimiz takliflarini inobatga olgan holda takomillashtirilgan shaxsiy kabinet orqali Siz:
– hisoblagich ko‘rsatkichini masofadan turib yuborishingiz (har oyda yuborilishi hisob-kitoblarning to‘g‘ri bo‘lishini ta’minlaydi);
– amalga oshirilgan hisob-kitoblar to‘g‘risida ma’lumotlarga ega bo‘lishingiz;
– ichimlik va oqova suv uchun to‘lovlarni o‘zingizga qulay elektron to‘lov tizimlari orqali onlayn amalga oshirishingiz;
– ichimlik va oqova suv xizmatlariga oid shaxsiy ma’lumotlarni kuzatishingiz va murojaat qilishingiz;
– shaxsiy kabinetga kirish uchun parolni yangilashingiz va boshqa qulayliklardan foydalanishingiz mumkin.
Savollaringiz bo‘lsa, SuvniAsra mobil ilovasi, 12-55 yagona koll-markazi (24/7 rejimda), uzsuv_chat telegram chati va ijtimoiy tarmoqlardagi “O‘zsuvta’minot” AJ sahifalari orqali murojaat qiling.
