Salomatlik tuman boylik deyishadi. Ammo, har doim ham tibbiy ko‘rikdan o‘tishga xafsala qilavermaymiz. Biz bormasak, tibbiy ko‘rikning o‘zi bizni izlab keladigan zamonda yashayotganimiz kishini quvontirmay qolmaydi. Ayni shunday tibbiy ko‘rik Angor tumanining 1-sektor hududiga qarashli “Xomkon” mahallasida ham tashkil etildi.
Chuqurlashtirilgan tibbiy ko‘rikda pulmonolog, nevropatolog, pediatr, ginekolog, okulist, travmatolog, kardiolog, onkolog, stomatolog, urolog, terapevt, LOR, xirurg kabi mutaxassislar ishtirok etdi. Qolaversa, aholi UZI, EKG kabi tekshiruvlardan ham o‘tkazilib, aniq tashxis va muolajalar buyurildi.
Ko‘rik davomida diabet, onkologik, yurak-qon tomir kasalliklarining oldini olish, profilaktika qilish va davolash usullari, sog‘lom turmush tarzi va faol jismoniy harakatning inson salomatligiga hissasi tushuntirildi.
Sohibjamol
